Residenz Slött&Riegel

Eine absurde Verwechselungskomödie van Winnie Abel
 

Irgendwender hett dat Older uns under; de Rügge will neit mehr so recht, Piene sitt in Litt un Knaaken. So jenteg as noch vör ein paar Jahr is man uk neit mehr, uk de Kopp ward tüdeleg . Man so is`t, langsan loopen komt van sülmst.

Wenn`t dann heil un dahl neit mehr geiht, is dat moij, wender sükk de Verwandtskup um ein „Seniorenresidenz“ bemöijt. Sullde aver darbij de leiwe Verwandtskup, de ein of ander Saake dörnander brengen of wat vergeeten, de hebben ja uk noch ander Gedrüüs in hör Kopp, mutt man sükk neit wunnern, wenn dat Seniorenhus upmal ein Kittjebumm is.

Dat achter „Slött&Riegel“ bloot Gaudmensken un Leivhebberkes sitten, is bekännt. Da gevt dann uk gliek tweij fieleinige Döögeneiten, dej sükk anbeiden, de Olden tau betütern. Man of dat wall gaud geiht.......warden ji gewahr, wenn ji tau unse Upführungen komen.

Unse neije Spöölbaas Christoffer Lübben hett sükk för sien Debüt 8 Spööler/innen binander seukt. Van jung bit old, is all darbij. Mit  befahren un unbefahren Leeden van de BNB, hett heij de Rullen besett.

In de Februarmaand is dat dahm`t sowiet, de Crew van Slött&Riegel will dat Publikum in “Lach-Haft“ nehm`n.

De Kartenvörverkoop is an de 24.01.26 van 10-12 Ühr in`t Foyer van`t Kurhus.

Wi spöölen an de 20. & 27.02.26 um 20 Ühr un an de 22.02.26 um 18 Ühr in de „Kulturinsel“! (weitere Infos auf borkum.de/borkumer-buehne.de)

Well ein gesellige Avend mit de BNB beleven will un gern lachen deit, sullde de Pad nah`t Kurhus inschlaan.

Wi verwachten jau.

Jau BNB